Cохта шуд: 02.11.2016,   15:33

Аз оғози даъвати тирамоҳии шаҳрвандон ба хизмати ҳатмии ҳарбӣ 30 рӯз сипарӣ гардид ва то ин дам дар ҷумҳурӣ иҷрои нақша ба 89 фоиз баробар аст. Аз ҷумла, дар ҷараёни ин маъракаи муҳими сиёсӣ иҷрои нақшаи даъвати шаҳрвандон ба хизмати ҳарбӣ дар вилояти Суғд 92 фоиз, дар гарнизони Хатлон 94 фоиз, дар ВМКБ 100 фоиз, ноҳияҳои тобеи ҷумҳурӣ 95 фоиз ва дар комиссариятҳои ҳарбии чор навоҳии пойтахт 77 фоизро ташкил медиҳад.

Умуман аз оғоз то ин дам, аз маҷмӯи 68 шаҳру ноҳияҳои мамлакат 35 комиссариятҳои ҳарбӣ ва мақомоти масъули вобастаи давлатии даъват дар қаламрави ҷумҳурӣ аз иҷрои пурраи нақшаи даъвати шаҳрвандон ба сафи Қувваҳои Мусаллаҳ гузориш додаанд.

Барои маълумот хотиррасон мекунем, ки дар тамоми шаҳру навоҳии мамлакат даъвати тирамоҳии шаҳрвандон ба хизмати ҳарбӣ аз 1 – уми октябри соли 2016 оғоз гардида, фаъолияти комиссияҳои даъватӣ то 30 – юми ноябри соли ҷорӣ идома меёбад.