01

mort.tj

03

mort.tj

04

mort.tj

05

type your text for 5th image here

07

type your text for 7th image here

08

mort.tj

09

type your text for 9th image here

10

mort.tj

Ба аввал: НАВИД ДАРЁФТИ ҶОМИ ВАЗИР ДАР ГАРНИЗОНИ БАДАХШОН
ХУШ ОМАДЕД БА СОМОНАИ ВАЗОРАТИ МУДОФИАИ ҶУМҲУРИИ ТОҶИКИСТОН

ДАРЁФТИ ҶОМИ ВАЗИР ДАР ГАРНИЗОНИ БАДАХШОН

Дар доираи ҳадафҳои солимгардонӣ ва нақша-чорабиниҳои варзишӣ дар гарнизони Вилояти Мухтори Қӯҳистони Бадахшон дар байни дастаҳои варзишии қисму воҳидҳои ҳарбии Вазорти мудофиаи мамлакат мусобиқа оид ба дарёфти Ҷоми вазири мудофиа доир гардид, ки дар он сарбозони варзишгари ҳар як қисми ҳарбӣ бо омодагии ҷиддӣ ва рӯҳияи болида ширкат варзиданд.

Мусобиқаи мазкур дар сатҳи зарурӣ ташкил карда шуда, он аз рӯйи 5 навъи маъмули варзиш, аз қабили гурзандозӣ, футбол, волейбол, ҷанги тан ба тан ва маҷмуи ҳарбӣ-варзишӣ ҷараён гирифта, ҷиҳати сабқати озодонаи сарбозон майдонҳои махсус омода шуда буд. Ҳар як сарбозе, ки дар мусобиқа иштирок дошт, кӯшиш мекард, ки ҳунару таҷриба ва бартарияти худро нишон дода, ҷойи намоёнро ишғол намояд ва шарафи ҳамсафону нуфузи қисми ҳарбии худро ҳифз намояд.

Онҳо дар баробари ширкату қувваозмоӣ дар ин гуна мусобиқаҳо бо ҳамсафони худ табодули таҷриба намуда, маҳорати худро такмил медоданд. Мақсад аз ташкилу роҳандозии ин гуна мусобиқаҳои ҳарбӣ-варзишӣ, ҳифзи сиҳатӣ ва обутоби ҷисмонии сарбозон баҳри сарбаландона ва бечунучаро ба ҷо овардани вазифаҳои хизматӣ буда, бо ин васила омодагии доимии онҳоро ба хатару таҳдидҳои эҳтимолӣ нишон медиҳад.

Бояд гуфт, ки солҳои охир аз тарафи масъулини Вазорати мудофиа ба варзиш диққати хосса зоҳир шуда, майлу рағбати сарбозон низ ҷиҳати камолоти ҷисмонии худ ва иштирок дар мусобиқаҳои варзишӣ бештар гаштааст, ки инро метавон аз сатҳи баргузории чунин чорабиниҳои варзишӣ мушоҳида намуд. Бартарияту фаъолнокии сарбозони қисми низомии 01123-и Қӯшунҳои зудамали Вазорати мудофиа қариб дар ҳама навъҳои варзиши муайяншуда ба назар мерасид.

Дар охир доварони мусобиқа аз руйи ҳисоби маҷмуи холҳои даставӣ сарбозони қисми низомии 01123-ро ғолиби мусобиқа дониста, Ҷоми вазири мудофиаро ба онҳо тақдим намуданд. Ҷойҳои дуюм ва сеюмро бошад, варзишгарони қисмҳои ҳарбии 23441 ва 15426 ба даст оварда бо тӯҳфаҳои хотиравӣ қадрдонӣ карда шуданд.

ВАЗИРИ МУДОФИАИ
ҶУМҲУРИИ ТОҶИКИСТОН

ГЕНЕРАЛ-ЛЕЙТЕНАНТ
ШЕРАЛӢ МИРЗО
Наворҳо

Варзиш