Ба муносибати таҷлили 23-юмин солгарди таъсисёбии Қувваҳои Мусаллаҳи Ҷумҳурии Тоҷикистон дар Боғи Ғалабаи пойтахт чорабинии бошукӯҳи идона баргузор гардид. Дар оғози чорабинии мазкур бо мақсади гиромидошти хотираи неки фарзандони содиқи Ватан, аз номи ҳайати роҳбариву фармондеҳӣ ва собиқадорони Қувваҳои Мусаллаҳ дар назди лавҳа ва гулхани абадии хотиравӣ гулчамбарҳо гузошта шуданд.

Дар чорабинӣ, инчунин муовини вазири мудофиаи кишвар Асрор Латифзода, ҳайати фармондеҳии навъҳои Қувваҳои Мусаллаҳ, масъулини раёсатҳои ин ниҳоди қудратӣ собиқадорони ҷангу меҳнат ва дигар шахсони расмӣ ширкат намуда, ба муносибати иди касбии низомиён дар назди лавҳаи ёдгории 28 нафар сарбози номаълум гулчамбар гузоштанд.

Дар охир аз ҷониби ротаи қаровулии фахрии Полки камендантӣ гузашти низомӣ доир карда шуд.