Home:
Tajik (CIS)Russian (CIS)English (United Kingdom)
VOTE
Аз кадом хизматрасонии сомонаи расмии Вазорати мудофиа қаноатмандед?
 
Statistics
Today138
Week757
This month8557
Only269428
Video

Forum

СИЁСАТИ МУВАФФАҚИ ПЕШВОИ МИЛЛАТ ДАР БУНЁДИ АРТИШ

18 02 2019

Дар Паёми навбатии хеш, Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон аз тамоми мардуми хирадманду дурандеш ва соҳибмаърифати тоҷик даъват ба амал оварданд, ки баҳри ободу сарзабз нигоҳ доштани Тоҷикистони соҳибистиқлол ва бо дилу нияти нек саҳмгузори ин марзу бум бошанд. Ҳамчунин, зимни ироаи Паём, Пешвои миллат бо ифтихор иброз намуданд, ки “мо ба Қувваҳои Мусаллаҳи кишварамон эътимоди комил дорем ва дилпурем, ки онҳо минбаъд низ истиқлолияту озодии Тоҷикистони маҳбубамон, амнияти давлат ва суботу оромии мардуми моро чун сипар ҳимоя мекунанд”. Дар ин раванд, бовар дорам, ки ҳар хизматчии ҳарбии Қувваҳои Мусаллаҳи мамлакат, баланд бардоштани сатҳи омодагии касбӣ, садоқат ба халқу Ватан, риояи талаботҳои ойинномаҳо ва интизоми ҳарбиро дар сатҳи лозима ба роҳ мемонад. Бунёди Қувваҳои Мусаллаҳ, дар таърихи навини давлатдории тоҷик ҳодисаи ҳаммақом ба Истиқлолияти давлатии Ҷумҳурии Тоҷикистон аст. Зеро, нерӯҳои ҳарбии таъмини мудофиа кафили давлату давлатдорӣ буданд ва хоҳанд монд. Хизмати Асосгузори сулҳу ваҳдати миллӣ-Пешвои миллат, Сарфармондеҳи Олии Қувваҳои Мусаллаҳ, Президенти Ҷумҳурии Тоҷикистон муҳтарам Эмомалӣ Раҳмон ҳамчун бунёдгузори Қувваҳои Мусаллаҳ ва сохторҳои ҳарбӣ дар он аст, ки дар марҳилае, ки қувваҳои зиддидавлатӣ ва гурӯҳҳои муташаккили ҷиноӣ дар вусъат бар шумораи умумии нерӯҳои низомии давлатӣ бартарӣ доштанд, стратегияи мушаххаси ҳам мубориза ва ҳам созмон додани нерӯҳои ҳарбии таъмини мудофиаи Тоҷикистонро муайян намуд ва ба амал баровард.

муфассал

 

АРТИШИ МИЛЛӢ АВВАЛИН ДАСТОВАРДИ ИСТИҚЛОЛИЯТИ ДАВЛАТӢ!

18 02 2019

Таърихи Тоҷикистони соҳибистиқлол собит намудааст, ки Қувваҳои Мусаллаҳи кишвар баъди пош хӯрдани Иттиҳоди Шӯравӣ сарфи назар аз он, ки ҷумҳуриро вазъи печидаи ҳарбӣ-сиёсӣ ё худ муноқишаҳои дохилӣ фаро гирифта буд, Тоҷикистони тозаистиқлол бо заҳмату талошҳои Ассосгузори сулҳу ваҳдати миллӣ-Пешвои миллат муҳтарам Эмомалӣ Раҳмон ба таъсиси Қувваҳои Мусаллаҳи худ дар шароите, ки барои бунёди он ягон заминаи моддию техникӣ вуҷуд надошт, шурӯъ кардааст. Шароити пешрафти босуръати ҷаҳонӣ тақозо кард, ки дар тамоми соҳаҳои кишвар, аз ҷумла Артиши миллӣ таҷрибаҳои пешқадамро ҷорӣ намоем.

Баҳри ноил гаштан, ба ташкили кишвари соҳибистиқлол санаи 18 декабри соли 1992 аз ҷониби Шӯрои Олии Ҷумҳурии Тоҷикистон қарор «Дар бораи таъсиси Қувваҳои Мусаллаҳи Ҷумҳурии Тоҷикистон» ба табъ расид ва 23 феврали соли 1993 нахустин паради ҳарбӣ баргузор шуд, ки он рӯз расман санаи таъсисёбии Қувваҳои Мусаллаҳ эълон гардид. Дар ин ҷода бо ҳидояту талош ва дастгириҳои бевоситаи Пешвои миллат муҳтарам Эмомалӣ Раҳмон бо зиёда аз 50 давлатҳои ҷаҳон ҳамкориҳои ҳарбӣ ва ҳарбӣ-техникии дуҷониба ва бисёрҷонибаро ба роҳ мондааст. Ҳамкориҳои ҳарбӣ ва ҳарбӣ-техникӣ бо вазоратҳои мудофиаи кишварҳои хориҷ ва созмонҳои байналмилалӣ асосан дар самтҳои мубодилаи иттилооту таҷрибаомӯзӣ дар мубориза бар зидди терроризму дигар зуҳуроти номатлуб, ташкили пайвастаи машқу унсурҳои мухталифи низомӣ, омадасозии афсарони касбӣ ва расонидани кумакҳои техникӣ ба Артиши ҷавони ҷумҳурӣ ба роҳ монда шудааст.

муфассал

 

Сутуни истиқлол

14 02 2019

Саҳми Пешвои миллат дар таъсисёбии Қувваҳои Мусаллаҳ

23-юми феврали соли 2019, аз таъсисёбии Қувваҳои Мусаллаҳи Ҷумҳурии Тоҷикистон 26 сол пур мешавад.

Баъди пош хӯрдани Иттиҳоди Шӯравӣ сарфи назар аз он, ки кишварро вазъи печидаи ҳарбӣ-сиёсӣ ё худ муноқишаҳои дохилӣ фарогир буд, Тоҷикистони тозаистиқлол ба таъсиси Қувваҳои Мусаллаҳи худ шурӯъ намуд. Вале барои бунёди он ягон заминаи моддиву техникӣ вуҷуд надошт. Яъне, ташкили Артиши миллии мо дар ҷойи холӣ, аз сифр шурӯъ гардид. 18-уми декабри соли 1992 аз ҷониби Раиси Шӯрои Олии Ҷумҳурии Тоҷикистон Эмомалӣ Раҳмон қарор «Дар бораи таъсиси Қувваҳои Мусаллаҳи Ҷумҳурии Тоҷикистон» ба имзо расида, он дар заминаи «Фронти халқӣ» ва қувваҳое, ки ҳукумати конститутсиониро ҷонибдорӣ мекарданд, таъсис дода шуд. Ҳамин тариқ, 23-юми феврали соли 1993, нахустин паради ҳарбӣ баргузор гардид, ки он рӯз расман санаи таъсисёбии Қувваҳои Мусаллаҳи Ҷумҳурии Тоҷикистон эълон карда шуд.

Қувваҳои Мусаллаҳи Ҷумҳурии Тоҷикистон аз рӯзҳои таъсисёбӣ се марҳиларо паси сар намудааст. Даври аввал, ки аллакай пушти сар шуд, даври ташкилу фаъол намудани мақомоти ҳарбӣ, қисмҳои низомӣ ва дигар муассисаву идораҳои Қувваҳои Мусаллаҳ буд, ки ин давр бомуваффақият анҷом ёфт. Даври дуюм, марҳилаи рушду камоли артиш, баланд бардоштани омодагии доимии ҷангӣ ва татбиқу истифодаи таҷрибаҳои пешқадам дар омӯзиши мақомоти идорӣ ва ҳайати шахсӣ аст, ки он ҳанӯз идома дорад.Даври асосӣ, ин бунёди навъҳои Қувваҳои Мусаллаҳи Ҷумҳурии Тоҷикистон ва таҳкиму тақвият бахшидани иқтидори ҷангии онро дар бар мегирад. Айни ҳол, дар ҳайати Артиши миллӣ се навъи Қувваҳои Мусаллаҳ фаъолият дорад: Қӯшунҳои хушкигард, Қӯшунҳои зудамал, Қувваҳои ҳарбӣ-ҳавоӣ ва мудофиаи зиддиҳавоӣ. Илова бар ин, ислоҳоти ҳарбӣ дар Қувваҳои Мусаллаҳ ҳанӯз ҳам идома дорад.

муфассал

 

Ҷамъомад бо ҷалби ҳайатҳои роҳбариву фармондеҳии Вазорат

14 01 2019

Дар доираи ҷамбасти даври дуюми омӯзиш дар Қувваҳои Мусаллаҳи кишвар ҳафтаи равон бо ҷалби ҳайатҳои роҳбариву фармондеҳии ВМ ҷамъомади таълимӣ-методӣ баргузор гардид.

Ҷамъомад ё худ машғулиятҳои таълимӣ-методӣ бо ҷалби ҳайати роҳбарикунандаи Вазорати мудофиа дар пойгоҳи чанде аз қисмҳои низомӣ ва машқгоҳҳо ба таври назариявию амалӣ ва дар сатҳи зарурӣ ҷараён гирифт. Қабл аз оғози машғулиятҳои таълимӣ дар театри Абдулқосим Лоҳутии шаҳри Душабе миёни иштирокчиёни ҷамъомади мазкур ва кормандони Агентии назорати давлатии молиявӣ ва мубориза бо коррупсияи Ҷумҳурии Тоҷикистон вохӯрӣ доир гардид. Баъд аз вохӯрӣ дар доираи нақшаи фарҳангии масъулини Вазорати мудофиа ҳайати ба машғулиятҳо ҷалбгардида ба намоши театрикунонидашудаи ҳунармандони театри мазкур фаро гирифта шуданд. Рӯзи нахустини машғулияҳо соати шаши субҳ бо сафороӣ ва аз назаргузаронии ҳайаи шахсии иширокчиёни ҷамъомади амалиётӣ-сафарбарӣ оғоз гардид.

Масъулини машғулиятҳо аз омодагии иштирокчиёни он гузориш доданд. Ҷамъомади таълимӣ-методӣ дар пойгоҳи яке аз қисмҳои низомии Қувваҳои ҳарбӣ-ҳавоӣ ва мудофиаи зидди ҳавоиӣ ҷараён гирифт. Роҳбарияи Вазорати мудофиаи кишвар қабл аз оғози машғулияҳои таълимӣ дар доираи дастуру супоришҳои Сарфармондеҳои Олии ҚМ дар самти баланд бардоштани қудрати дифоии кишвар, ҳадафу моҳият ва ташкилу баргузории ҷамъомади мазкур изҳори назар намуда, аз иширокчиёни он масъулияти баландро дар омӯзиши фанҳои дақиқи низомӣ ва пурра аз бар намудани мавзуоти ба машғулиятҳо пешбини гардида талаб намуд. Ҳамин тариқ иштирокчиёни ҷамъомади таълимӣ-методӣ вобаста ба мақому сатҳи вазифавӣ дар Артиши миллӣ ба гурӯҳҳо тақсим шуда, ба омӯзиши барномаҳои дарсӣ шурӯъ намуданд. Дар дохили қисмҳои низомӣ нуқтаҳои гуногуни муҷаҳази таълимӣ бунёд шуда буд, ки ба ҳар дарс роҳбарони машғулиятҳо таин гардида буданд.

муфассал

 

Омодагиҳои Вазорати мудофиа ба ҷашни 30-солагии Истиқлолияти давлатии Ҷумҳурии Тоҷикистон

14 01 2019

Дар доираи омодагиҳо ба ҷашни 30-солагии Истиқлолияти давлатии Ҷумҳуриии Тоҷикистон нахуст фаъолияте, ки Вазорати мудофиаи мамлакат оғоз бахшид инҳам бошад, таҳияи Нақша-чорабиниҳои асосии Вазорати мудофиаи кишвар бахщида ба сазовор пешвоз ва ҷашн гирифани 30-солгаии Истиқлолияти давлатии Ҷумҳурии Тоҷикистон мебошад. Бо мақсади таҳлили самтҳои асосии нақшаи мазкур таҳти роҳбарии вазири мудофиаи кишвар генерал-полковник Шералӣ Мирзо дар толори Вазорати мудофиаи Ҷумҳурии Тоҷикистон моҳи декабри соли 2018 машварати корӣ доир гардид.
Зимни баргузории он аз ҷониби Шералӣ Мирзо “Нақшаи таҷлили 30-солагии Истиқлолияти давлатии Ҷумҳурии Тоҷикистон дар Вазорати мудофиа” мавриди таҳлилу баррасӣ қарор дода шуда, аз ҷониби роҳбарияти ин ниҳоди қудратӣ таъкид карда шуд, ки дар партави сиёсати пешгирифтаи Асосгузори сӯлҳу Ваҳдати миллӣ, Пешвои миллат мӯҳтарам Эмомалӣ Раҳмон ҷиҳати дар сатҳи зарурӣ ҷашн гирифтани 30-солагии Истиқлолияти давлатии Ҷумҳурии Тоҷикистон иҷрои ҳама бандҳои нақшаи мазкур бояд бо сифати баланд таъмин гарданд ва то арафаи таҷлили ин ҷашни воқеанҳам таърихӣ дар ҳама самтҳо бояд пешравиҳои куллӣ ба чашм расанд.

Ҳамзамон муовини вазири мудофиаи кишвар генерал-майор Латифзода Асрор Қурбон илова намуд, ки бо мақсади дар сатҳи зарурӣ таҷлили ин ҷашни воқеанҳам таърихӣ, омодагиҳо ҷиҳати гузаронидани Паради ҳарбӣ, чорабиниҳои тантанавӣ, озмӯни “Суруди Сарбоз”, таҳияи филмҳои мустанад, нашри рӯзномаҳои ҷашнӣ, ташкили мусобиқаҳои варзишӣ, сохтумону азнавсозии бинову иншооти аҳамияти ҳарбидошта, оро додани мӯҳити қисмҳои низомӣ бо шиору овезаҳои ҷашнӣ ва дигар чорабиниҳои мӯҳим зери назорати қатъӣ қарор дошта, дар сатҳи зарурӣ ташкилу бароҳ монда мешавад.

муфассал

 

ҚАДАМИ ПЕШВОИ МИЛЛАТ МУБОРАК АСТ

14 01 2019

28 декабри соли рафтаро ятимон ва кормандони мактаб - интернати рақами 1 барои кӯдакони ятими шаҳри Душанбе рӯзи хотирмону фаромӯшношуданӣ меҳисобанд. Дар ин санаи фархунда Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ин муассиса ташриф оварданд ва аз шароити зисту таълими хонандагон ва кормандон дидан карданд.
Бояд ёдовар шуд, ки Президенти кишвар муҳтарам Эмомалӣ Раҳмон бори чорум аст, ки ба ин таълимгоҳ ташриф меоранд ва бо шароити зисту таълими ятимону кормандон ошно мешаванд. Ба ҳар бори омаданашон таълимгирандагонро шодиву фараҳ фаро мегирад. Онҳо хуб дарёфтаанду медонанд, ки қудуми Пешвои миллат муборак буда, аз аҳволу таълимашон самимона пурсон мешаванду ҳамроҳашон гарму ҷӯшон суҳбат меороянд.
Дар ду соли охир мақомоти иҷроияи ҳокимияти давлатии шаҳри Душанбе муассисаро бо 30 тахтаи электронӣ, 65 компютер, 11 ноутбук ва 76 камераи назоратӣ таъмин намуд. Ҳамчунин, ба хотири ҷалби наврасон ба варзиш ва  рушди ин соҳа ду майдончаи варзиш, як толори варзиш ва ду толори маҷлисгоҳ бунёд кард. Таълимгирандагон имкони беҳтари омӯхтани технологияи компютерӣ, забонҳои хориҷиро доранд.
Ҳамин тавр, ин муассисаи таълимӣ дорои ҳамаи шароитҳои зарурист. Дар се ошёнаи он 22 синфхонаи фаннӣ, 19 кабинети корӣ, 18 хонаи хоб бо 330 кат, 2 ҳуҷраи бозии кӯдакон ҷой доранд. Аз озмоишгоҳҳои фаннӣ ва толори фарҳанг ба таври васеъ истифода мебаранд. Мактаб - интернат бо системаи гармидиҳӣ низ таъмин аст.

муфассал

 

<< Start < Prev 1 2 3 4 5 6 7 8 Next > End >>

Page 1 of 8

Subscribe to us!

EMOMALI RAHMON

АСОСГУЗОРИ СУЛҲУ ВАҲДАТИ МИЛЛӢ - ПЕШВОИ МИЛЛАТ, ПРЕЗИДЕНТИ ҶУМҲУРИИ ТОҶИКИСТОН МУҲТАРАМ ЭМОМАЛӢ РАҲМОН

...Табиист, ки ҳар як давлат барои таъмини суботу оромии ҷомеа, амнияти миллӣ, ҳимояи сарҳадоти худ ва муқовимат ба амалҳои тахрибкоронаи гурӯҳҳои ҷинояткори муосир ба Қувваҳои Мусаллаҳи тавоно, кадрҳои низомии сатҳи баланди тахассусӣ, ҷавонони соҳибкасбу ватандӯст ва ҳушёру зирак ниёз дорад...

Minister of Defense
of the Republic of Tajikistan

Colonel-General Sherali Mirzo
Sport

Trading platform